新乡村示范带

  白 话广州

  新闻话,增城正果镇而家搞紧百里道香新乡村示范带,呢个示范带以岳村村为中心,覆盖埋花园村、庙尾村、番丰村,总长度大概系7.7公里,有21平方公里咁阔。

  其实,白云、增城、花都一直喺度搞紧新乡村示范带。花都就规划20条示范带,到今年年底,就有6条示范带可以初见成效。其中有赤坭镇花漾十里新乡村示范带、梯面镇水墨丹青新乡村示范带、花山镇侨韵花香新乡村示范带等等。

  广州嘅新乡村而家越来越靓,早就成咗市民周末出游嘅热门地方。好似前嗰排,啱好系秋收割禾嘅时候,好多地方嘅禾都已经收割。唔少乡村小镇亦都迎来人流高峰,市民趁着割禾前,去到黄禽禽嘅嘅稻田入边影相打卡。有啲农业研究基地仲会有割禾、打禾呢啲体验项目,镰刀、脚踏打禾机轮番上场,等呢啲城市嘅细路体验一下以前农作嘅艰辛,等佢哋亲身领会收获每一粒粮食要付出嘅汗水。

  讲返呢嗰新乡村示范带,咁又点止得呢啲农业咁简单。正果镇呢个百里道香示范带入边,番丰村就以马术产业为主、庙尾村系以白茶产业为主、花园村以农耕文化为主。佢哋都会突出各自嘅特色,吸引更多嘅游客。

  ◎阮栩 编辑