白话街事

  粤语版

  投诉回复

  前日中午,礼岗路一酒楼,一男一女嘅对话。

  女:楼下嗰间嘢用木板搭咗两埲墙霸晒条路,你上次咪话打电话投诉佢哋违建嘅咩。

  男:系啊,嗰日咪打咗12345啰。

  女:咁后嚟点呀?

  男:琴日佢哋有人打电话俾我,我嗰时揸紧车冇接到,后嚟就唔记得咗喇。

  女:咁就冇咗下文喇?

  男:唔系喔,啱啱先佢哋发咗条短信俾我。

  女:系咪话要拆咗嗰啲违建呀?

  男:唔系,条短信讲城管去查过,嗰度搭嘅板墙系临时嘅,等里面装修完就拆嘎喇,唔系违建,仲话嗌我哋耐心等待喔。

  女:咁12345啲人做嘢都几有手尾。

  男:系呀,接电话啲人好好态度嘎,宜家又打电话,又发短信答复,都唔话得嘎喇。

  普通话版

  投诉回复

  前日中午,礼岗路一酒楼,一男一女的对话。

  女:楼下那家店用木板搭了两堵墙把整条路都给占了,你上次不是说打电话投诉他们违建的吗。

  男:是啊,那天打了12345了。

  女:那后来怎样了?

  男:昨天他们有人打电话给我,我那时正在开车没有接,后来就忘了。

  女:那就没有下文了?

  男:不是喔,刚刚他们发了一条短信给我。

  女:是不是说要拆那些违建呀?

  男:不是,短信说城管去查过,那里搭的板墙是临时的,等里面装修完就会拆掉的,不是违建,还说要我们耐心等待喔。

  女:那12345的人还挺靠谱。

  男:是呀,接电话的人态度很好的,现在又打电话,又发短信答复,还真没得说。

  粤语释词

  埲

  粤语读bung6,堵的意思,属量词,如:一埲墙(一堵墙),呢埲墙(这堵墙)。同音字有唪,股的意思,如:一唪臭味(一股臭味儿)。

  时报读者 袁肃